Nazarboyev Qozog‘istonda qashshoqlik 13 barobarga kamayganini ma'lum qildi

Qozog‘istonda qashshoqlik 13 barobarga kamaydi. Bu haqda Qozog‘iston prezidenti Nursulton Nazarboyev Ostona iqtisodiy forumi: Global Challenges Summit 2018’da ma'lum qildi, deb xabar bermoqda «Kazinform».

«Qozog‘iston faol ijtimoiy siyosatni olib bormoqda: mamlakatda qashshoqlik 13 barobarga qisqardi - 40 foizdan 3 foizgacha, ishsizlik darajasi 5 foizdan pastga tushdi», - dedi Nursulton Nazarboyev. 

Shuningdek, davlat rahbarining qo‘shimcha qilishicha, joriy yilda mamlakat Yangi beshta ijtimoiy tashabbusni hayotga tatbiq etishni boshlaydi. «Ular arzon uy-joy bilan ta'minlash, sifatli oliy ta'lim, atrof-muhitni yaxshilash, kichik va o‘rta biznesni qo‘llab-quvvatlash, adolatli soliqqa tortish, barqaror rivojlanishga ko‘maklashish va fuqarolarimizning farovonligini oshirishga qaratilgan», - dedi Nursulton Nazarboyev.