Shimoliy va Janubiy Koreya yetakchilari 1 iyunda muzokaralar o‘tkazishadi

Shimoliy Koreya yetakchisi Kim Chen In va Janubiy Koreya prezidenti Mun Chje In 1 iyunda yuqorida darajadagi muzokaralar o‘tkazishga kelishib olishdi. Bu haqda ularning 26 maydagi uchrashuvlari natijalariga ko‘ra Koreya markaziy telegraf agentligi ma'lum qildi.

Avvalroq Mun Chje In va Kim Chen In 26 may kuni Pxanmunjom punktida uchrashuv o‘tkazishgani ma'lum qilingandi. Bu ularning ikkinchi uchrashuvi bo‘ldi.

“Shimol va Janubning oliy rahbarlari 1 iyunda muzokaralar o‘tkazishga va turli sohalarda, jumladan Qizil Xoch va harbiy yo‘nalish bo‘yicha muzokaralar o‘tkazishga kelishib olishdi”, deb aytilgan xabarda. 
Shuningdek, ikki davlat yetakchisi ko‘proq uchrashib turishga kelishib olgan.

Dastlab muzokaralar 16 may kuni bo‘lib o‘tishi kerak edi, biroq uning arafasida Shimol Janubni 11 may kuni boshlangan AQSh-Janubiy Koreya harbiy mashg‘ulotlari sababli muzokaralarni bekor qilishidan xabardor qilgan.