Surxondaryoda yuz bergan yo‘l-transport hodisasi oqibatida ikki kishi halok bo‘ldi

30 may kuni Surxondaryo viloyatining Oltinsoy tumanida yashovchi M.S. o‘zining “Neksiya” rusumli avtomashinani Chinor va Zardako‘l mahallasini tutashtiruvchi yo‘lda haydab ketayotib, boshqaruvni eplay olmay yo‘l chetidagi tepalikka urilishi oqibatida avtomashina ag‘darilib ketgan. 

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Natijada avtomashina yo‘lovchilari, haydovchi M.S.ning 9 yoshli qizi B.H. va 53 yoshli X.J. ismli ayol jarohat olib, voqea joyida halok bo‘lganlar.

Eslatib o‘tamiz, avvalroq Boysunda YTH natijasida 2 nafar voyaga yetmagan bola halok bo‘lgandi.