29 may kuni Surxondaryo viloyatining Boysun tumanida Termiz shahrida yashovchi A.A. boshqaruvidagi “Kobalt” rusumli avtomashinasini Boysun tumani “Mustaqillik” MFY hududida haydab ketayotib qarama-qarshi yo‘nalishdan harakatlanib kelayotgan A.Z. boshqaruvidagi “LABO” rusumli avtomashinasi bilan to‘qnashuv sodir etgan.
Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.
Natijada “LABO” avtomashinasi haydovchisi A.Z. va uning yo‘lovchilari N.Z. ismli ayol hamda uning ikki nafar voyaga yetmagan farzandlari jarohat olib kasalxonaga yotqizilganlar. Ko‘rsatilgan tibbiy muolajalarga qaramay 2 nafar voyaga yetmagan bola vafot etgan.
Eslatib o‘tamiz, avvalroq Nurotada mudhish YTH yuz bergani, 2 kishi halok bo‘lgani haqida xabarlar tarqalgandi.
