O‘zbekiston Respublikasi Vazirlar Mahkamasining qarori bilan “O‘zcharmsanoat” uyushmasining raisi va rais o‘rinbosarlari tasdiqlandi. Bu haqda Kun.uz axborot manbasi xabar berdi.
Sardor O‘ktamovich Umurzoqov “O‘zcharmsanoat” uyushmasining raisi etib tasdiqlandi. U bundan avval “O‘zbekcharmpoyabzali” uyushmasi boshqaruvi raisining o‘rinbosari bo‘lib ishlagan.
Foto: O‘zcharmsanoat
Shuningdek, Faxriddin Atoyevich Boboyev “O‘zcharmsanoat” uyushmasi raisining birinchi o‘rinbosari etib;
Mirsaid Miralimovich Zohidov “O‘zcharmsanoat” uyushmasi raisining o‘rinbosari etib;
Ravshan Turg‘unovich Salohov “O‘zcharmsanoat” uyushmasi raisining o‘rinbosari etib tasdiqlandilar.
Qayd etilishicha, O‘zbekiston bosh vaziri Abdulla Aripov 2018 yilning 30 may kuni bu haqdagi tegishli qarorlarni imzolagan.
