Dunyoning eng boy odamlaridan biri biznes bilan boshqa shug‘ullanmaydi

Koch Industries neft-kimyo kompaniyasi egalaridan biri Charlz Kox uning ukasi Devid Kox umumiy biznesni tark etayotgani hamda “Amerikaliklar farovonlik uchun” jamg‘armasi rahbari lavozimidan ketayotganini ma'lum qildi. Charlz Koxning aytishicha, ukasining sog‘lig‘i jiddiy tarzda yomonlashgan.

Charlz Kox ukasi bilan aynan nima yuz berganini ma'lum qilmagan. Shunisi ma'lumki, Devid Koxga 1990-yillar boshida saraton tashxisi qo‘yilgan. U bu kasalni yenga olgandi.

Devid Kox akasi bilan Forbes nashrining joriy yildagi eng boy odamlar ro‘yxatida 8-o‘rinni egalladi. Uning boyligi 60 mlrd dollarga baholangan.

Aka-uka Koxlar AQSh Respublikachilar partiyasining bosh homiylaridan hisoblanadi.

Koxlar oxirgi yillarda AQSh siyosatiga tez-tez ta'sir qilib turishgan. Kompaniyaning sobiq xodimlari hozirda AQSh prezidenti Donald Tramp ma'muriyatida faoliyat yuritishadi.