BMT bosh kotibi dunyoga xavf solayotgan eng katta sinov nima ekanligini aytdi  

BMT bosh kotibi Antoniu Guterreshning fikricha, Yaqin Sharqdagi vaziyat xalqaro hamjamiyat uchun eng katta sinov hisoblanadi. U bunday fikrni Finlyandiya prezidenti Sauli Niinistening yozgi qarorgohida o‘tgan munozaralar klubi sessiyasida bildirgan.

“Umumiy qoidalarga amal qilmaydigan Isroil, Eron va boshqa ko‘plab davlatlar bor. Ixtiloflarning oldini olish uchun mexanizmlar mavjud emas”, deb aytgan Guterresh.

Guterresh davlatlar o‘rtasida o‘zaro ishonchsizlik ortayotgani va kiberurush boshlanishi xavfi jiddiy xavotir uyg‘otayotganini aytgan. Uning ta'kidlashicha, unga bunday ixtiloflarga bir necha misol ma'lum, biroq u o‘z nutqida ularni aytib o‘tmagan. 

“Men aminmanki, agar kelajakda ikki davlat o‘rtasida urush bo‘lsa, ommaviy kiberhujum yuz beradi. Bu nafaqat himoya tizimlari, balki jamiyatning muhim infratuzilmalariga taalluqli bo‘ladi. Dunyo bunga tayyor emas”, deb aytgan Guterresh.

Bosh kotib 19 iyunda Osloga, 20-21 iyunda jumladan jahon chempionati doirasida Portugaliya terma jamoasini Marokashga qarshi uchrashuvda qo‘llab-quvvatlash uchun Rossiyaga tashrif buyuradi.