Foto: AFP
Turkiya bosh vaziri Binali Yildirimning ma'lum qilishicha, Amerika tomoni qarori bilan Turkiyani F-35 qiruvchilari ishlab chiqaruvchilari dasturidan chiqarib tashlash tufayli Anqara muqobil variantlarni topadi. Bu haqda NTV xabar bergan.
Yildirimning so‘zlariga ko‘ra, AQSh senatining harakatlari afsusga sabab bo‘lmoqda hamda strategik hamkorlik ruhiga ziddir.
«Bu voqealarning muvaffaqiyatsiz rivoji. Biroq, Turkiya muqobil variantsiz qolmaydi», - deya aytib o‘tdi Yildirim.
Eslatib o‘tamiz, avvalroq Turkiya AQSh qiruvchi samolyotlarni yetkazib bermasa, nima qilishini aytgandi.
