Buxoroda mashinani boshqara olmaslik yo‘lovchi o‘limiga sabab bo‘ldi

Buxoro viloyatining Romitan tumanida 29 iyun kuni Xorazm viloyati Gurlan tumanida yashovchi X.X. “Neksiya” rusumli avtomashinasini “Toshkent-Xorazm” yo‘lining 412-km.da haydab ketayotib boshqaruvni eplay olmay yo‘l chetiga chiqib ketib, ag‘darilib ketgan. 

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, natijada yo‘lovchilar, 61 yoshli Sh.Sh. va 59 yoshli D.S. ismli ayollar jarohat olib kasalxonaga yotqizilgan.

Ammo ko‘rsatilgan tibbiy muolajalarga qaramay yo‘lovchilardan biri bo‘lgan Sh.Sh. vafot etgan.