Qoʻshimcha funksionallar
-
Tungi ko‘rinish
Ravshan Ermatov guruhi nega JCh-2018 o‘yinlarini boshqarmasligi ma'lum qilindi
Ravshan Ermatov boshchiligidagi o‘zbekistonlik hakamlar guruhi JCh-2018 o‘yinlariga boshqa tayinlanmaydigan bo‘ldi.
Nega FIFA Ermatov guruhini qolgan o‘yinlarni boshqarishi mumkin bo‘lgan hakamlar ro‘yxatiga kiritmagani ma'lum qilindi.
«Futbolium» telegram kanalining xabariga ko‘ra, Ermatovning yordamchilaridan biri Abduhamidullo Rasulov oyog‘idan jarohat olgan va 2ta o‘yinda ham tuzalmagan jarohati bilan ishlagan. Hakamlar qo‘mitasi Rasulovning tuzalib ketishini kutgan, biroq, u tiklanib ololmagan. Shu tariqa, Ermatov guruhining ro‘yxatga kiritilmasligi bosh hakamning hakamlik saviyasi bilan emas, balki yordamchisining jarohati bilan bog‘liq, deyilmoqda.
Manba bu ma'lumotni Ermatovning o‘zidan olganini ta'kidlamoqda.
Ko‘pchilikda savol tug‘ilishi mumkin: Ermatovga boshqa yordamchi hakam berish mumkin emasmidi? Yo‘q. FIFA hakamlarning doimiy brigada bo‘lib ishlash prinsipiga sodiq qoladi. Uchala hakamning bir-birini tushunishi, qalin munosabat o‘rnatganligi tashkilot uchun eng muhim masala.
Rossiya mundiali
2018 yilning 14 iyunidan 15 iyuliga qadar Rossiyaning 11ta shahrida 12ta stadionda JCh-2018 bo‘lib o‘tadi. Rossiya ilk bor mundialga mezbonlik qilmoqda.
Mavzuga oid
22:37 / 12.10.2025
Ravshan Ermatov FIFA qo‘mitasi raisi o‘rinbosari etib tayinlandi
17:16 / 06.10.2025
«Yarmining yarmi ham emas» – Kannavaro bilan kelishuvning ayrim tafsilotlari ma’lum qilindi
12:23 / 25.04.2025
Bayram tugadi, endi jahon chempionatiga tayyorgarlik ko‘rish kerak – Ermatov o‘smirlarni akalarining xatolarini takrorlamaslikka chaqirdi
15:21 / 26.02.2025