Britaniya Brexit’dan keyin YeIga erkin savdo hududini tashkil etishni taklif qilmoqchi

Buyuk Britaniya bosh vaziri Tereza Mey mamlakat Yevropa Ittifoqidan chiqib ketgandan keyin YeI bilan erkin savdo hududi tashkil etishni qo‘llab-quvvatlamoqda.  

“Biz Britaniya va YeI o‘rtasida sanoat va qishloq xo‘jaligi mahsulotlari umumiy reyestrini ko‘zda tutuvchi erkin savdo hududini yaratishni taklif qilmoqdamiz. Bu ushbu sohalarda yuqori standartlarni saqlab qoladi. Biz parlamentimiz roziligisiz kelajakda hech qanday o‘zgartirishlar kiritilmasligini tasdiqlaymiz”, deb aytgan Mey.  

Mey, shuningdek, Britaniya rahbariyati biznes manfaatlariga javob beruvchi va istalgan davlat bilan yangi savdo kelishuvlari tuzilishini ko‘zda tutuvchi yangi bojxona modelini muvofiqlashtirib olganini ma'lum qilgan.