Buyuk Britaniya harbiy-dengiz kuçlari ilk bor aviataşuvçidan hujumkor uçuvçisiz uçiş apparatlarini muvaffaqiyatli uçirdi.
Oktabr oyining örtalarida Şimoliy Atlantikada ötkazilgan sinovlarda Britaniyaning Callen-Lenz kompaniyasi işlab çiqargan bir martalik Nyan Maritime hujumkor dronlari HMS Queen Elizabeth aviataşuvçisining parvoz palubasidan havoga kötarildi. Sinovlar avtonom zarbdor tizimlar beşinçi avlod F-35B qiruvçilari bilan birgalikda qanday harakat qilişi mumkinligini körsatdi.
Bu sinovlar aviataşuvçilardan havo operatsiyalarini ötkazişga oid konsepsiyani amalga oşirişning navbatdagi bosqiçi böldi. Qirollik floti uni «aviataşuvçining gibrid aviaqanoti» deb ataydi. Konsepsiya uçuvçi boşqaradigan aviatsiya va dronlardan birgalikda foydalanişni nazarda tutadi. Bu aviataşuvçi guruhlarining harakat radiusini kengaytiriş, zarba beriş imkoniyatlari va operativ moslaşuvçanligini oşiriş, ayni paytda şaxsiy tarkib uçun xavfni kamaytiriş imkonini beradi.
Sinovlar davomida mutaxassislar uçuvçisiz zarbdor tizimlar kelajakda aviataşuvçi zarba guruhlari operatsiyalariga va qurolli kuçlarning kengroq doiradagi vazifalariga qanday hissa qöşa olişi haqida qöşimça maʼlumotlar oldi.
Qirollik floti qurolli kuçlar va sanoat mutaxassislari bilan hamkorlikda HMS Queen Elizabeth bortidan bir neça parvozni amalga oşirdi. Joriy yilda bundan oldin şunga öxşaş dron dengizda XV Patrick Blackett sinov kemasidan ilk bor uçirilgan edi.
Şu bilan bir vaqtda aviataşuvçida samolyot turidagi Tekever AR5 uçuvçisiz uçiş apparati ham sinovdan ötkazildi. U ilk bor aviataşuvçidan parvoz qildi.
AR5 qanotlarining quloçi yetti metrni taşkil etadi. Apparat 80 kilogrammgaça foydali yuk taşiy oladi. Undan ham taʼminot işlarida, ham operativ vazifalarni bajarişda foydalaniş mumkin. Sinovlar razvedka maʼlumotlarini töplaş, kuzatuv olib boriş, nişonlarni aniqlaş va razvedka ötkazişga möljallangan dronlar hujumkor tizimlar bilan birgalikda harakat qilib, özaro yanada uyğunlaşgan jangovar tuzilmani şakllantira olişini körsatdi.
Sinovlar natijalari uçuvçisiz aviatsiya Britaniya aviataşuvçilarining imkoniyatlarini kengaytirişi va turli vazifalarga moslaşuvçanligini oşirişi mumkinligini namoyiş etdi.
