Poytaxtda avtomatlashtirilgan hojatxonalar va dam olish uchun o‘rindiqlar o‘rnatiladi

Toshkentning sayyohlik joylarida eksperiment shaklida avtomatlashtirilgan hojatxonalar o‘rnatiladi.

TOP BUSINESS kompaniyasi poytaxt hokimi Jahongir Ortiqxo‘jayevga Toshkent shahri hududida Yevropa sifatiga ega bo‘lgan avtomatlashtirilgan umumiy hojatxonalar tarmog‘i va dam olish uchun o‘rindiqlarni o‘rnatish bo‘yicha loyiha taqdim etdi.

Hokim bu g‘oyani qo‘llab-quvvatladi. U Toshkentdagi sayyohlik joylarida o‘nta ana shunday avtomatlashtirilgan hojatxonani eksperiment shaklida o‘rnatishni taklif qildi.

Shuningdek, joylashuvni aniqlashtirish va potensial miqyosni aniqlash maqsadida loyiha muhokamasini davom ettirish taklif etildi.