Hindistonning Assam shtatidan to‘rt millionga yaqin kishi deportatsiya qilinishi mumkin

Hindistonning Assam shtatida agarda mamlakatda bo‘lish huquqini tasdiqlovchi hujjatlarini ko‘rsatmasa, to‘rt millionga yaqin kishi deportatsiya qilinishi mumkin, deb xabar berdi NDTV telekanali.

Xabar qilinishicha, yangilangan ro‘yxatga olish ma'lumotlari millionlab kishilarning  shtat hududida bo‘lishlari qonuniyligi borasida savollar keltirib chiqarmoqda. Telekanalning eslatishicha, qo‘shni Bangladeshdan noqonuniy muhojirlar oqimi oshganligi bois shtatda 1951 yildan buyon ilk bor qayd etish ro‘yxati yangilangan.

Mahalliy hukumat Assam aholisini vahimaga tushmaslikka chaqirdi va ro‘yxat dastlabki aniqlov ekanligini, undan joy olmaganlar hozircha deportatsiya qilinmasligini bildirdi.

"Ayrimlar ataylab vahima uyg‘otishga urinmoqchi bo‘lyapti. Bu dastlabki ro‘yxat, yakuniy emas", — dedi Hindiston ichki ishlar vaziri Rajnatx Singx.