Bo‘stonliq tumani tog‘larida qidiruv-qutqaruv ishlari olib borildi

Joriy yilning 29 iyul kuni soat 17:35 da Toshkent viloyati Favqulodda vaziyatlar boshqarmasiga fuqaro D.Abduvaliyev yordam so‘rab murojaat qildi, deb xabar bermoqda FVV matbuot xizmati.

Kelib tushgan ma'lumotga ko‘ra, sayohatchilar Toshkent viloyati Bo‘stonliq tumanining tog‘larida adashib qolgan.

«Chimyon» qutqaruv otryadi qutqaruvchilari tezkorlik bilan voqea joyiga chiqishib qidiruv ishlarini boshlab yuborishdi.

30 iyul kuni erta tongda soat 05:30da adashib qolganlar topildi.

Qutqaruvchilar tomonidan adashib qolganlarga yordam ko‘rsatilib, aholi punktiga evakuatsiya qilindi.