Pentagon yangi loyiha boshladi: sun'iy idrokni rivojlantirishga qariyb 900 mln dollar sarflanadi

AQSh Mudofaa vazirligi kundalik vazifalarga yechim topish va qurolli kuchlar samaradorligini oshirish uchun sun'iy idrokdan foydalanish bo‘yicha 885 million dollarlik shartnoma tuzdi. Bu haqda The Wall Street Journal AQShning Booz Allen Hamilton konsalting firmasi vakili Josh Sallivanga asosan xabar bermoqda.

Sallivanning ta'kidlashicha, sun'iy idrok amerikalik harbiylarga milliy xavfsizlik masalalariga bog‘liq bo‘lgan katta hajmdagi ma'lumot bilan yaxshiroq ishlashga yordam beradi. U yuzlab harbiylarni misol keltirgan, ular uchuvchisiz uchar qurilmalar va kuzatuv kameralaridan videoyozuvlarni ko‘rib, ularda qandaydir obektlarni aniqlashgan; sun'iy idrok bu amaliyotlarni tezroq qilishda va videoda yuk mashinalari, harbiy texnika hamda angarlarni bir zumda aniqlashda yordam beradi.

Shuningdek, Sallivanning taxminicha, yangi texnologiyalar Pentagonga Xitoy va Rossiya bilan raqobatlashishiga yordam beradi.