«Rossiya Eronni Suriyadan chiqib ketishga majbur qilolmaydi» - elchi 

Moskva Eronni Suriyadan chiqib ketishga majbur qilolmaydi. Bu haqda Rossiya Federatsiyasining Isroildagi Favqulodda va muxtor elchisi Anatoliy Viktorov ma'lum qilgan. 

 «Rossiya Eronni Suriyadan o‘ziga tegishli qurolli kuchlarni olib chiqib ketishga ko‘ndirmoqchi, biroq biz ularni bunday qilishga majburlay olmaymiz», deydi diplomat. 

Elchining so‘zlariga ko‘ra, Isroilning Suriya hududini tashqi qurolli kuchlardan darhol ozod etish to‘g‘risidagi murojaati amalga oshirilishi imkonsiz vazifadir. Rus diplomati Eronning Suriya hududida faoliyat olib borayotgani BMT prinsiplariga to‘la mos kelishini ta'kidlagan. 

Rossiya diplomati missiyasi rahbarining aytishicha, Moskva Isroilning Suriya hududidagi Eron va uning ittifoqdoshlariga zarba berishini oqlamaydi. Shu bilan birga, Rossiya Isroilga ham qanday harakatlanish lozimligini uqtirolmasligini bildirgan. ​