Oqqo‘rg‘onda gaz portladi, uch kishi kuyish jarohatini oldi

Toshkent viloyatining Oqqo‘rg‘on tumanida 2 avgust kuni “S.Rahimov” MFY Furqat ko‘chasida joylashgan oziq-ovqat do‘konini sotuvchisi, M.A. shu do‘konda sigareta chekish maqsadida gugurt chaqqan vaqtida do‘kon yonidan o‘tgan gaz quvuridan sizib chiqib, to‘planib qolgan gaz va havo aralashmasidan chaqnash sodir bo‘lgan.

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar berdi.

Natijada M.A. va shu yerda bo‘lgan ikki nafar tanishlari kuyish jarohatlari bilan kasalxonaga murojaat qilganlar.

Surishtiruv ishlari olib borilmoqda.