Normativ-huquqiy hujjatlar loyihalari muhokamasi portalida Xalq ta'limi vazirligining “Umumiy o‘rta ta'lim muassasalarining pedagogik mutaxassisliklari bo‘yicha namunaviy yillik ish rejasini shakllantirish tartibi to‘g‘risidagi yo‘riqnomani tasdiqlash haqida”gi qarori loyihasi e'lon qilindi.
Umumiy o‘rta ta'lim muassasalarining pedagogik mutaxassisliklari bo‘yicha namunaviy yillik ish rejasini shakllantirish tartibi to‘g‘risidagi yo‘riqnomaga ko‘ra, ish reja umumiy o‘rta ta'lim muassasasi pedagog xodimining yillik ish yuklamasidan (tarifikatsiya bo‘yicha ajratilgan dars soatlaridan) iborat.
Pedagog xodimlar uchun dars soatlarining tarifikatsiyasi umumiy yillik ish yuklamasida belgilangan 1548 soat (yillik 43 hafta, haftalik 36 soat, kunlik 6 soat) hisobidan amalga oshiriladi.
Umumiy o‘rta ta'lim muassasasining pedagog xodimlari uchun bir stavka miqdoridagi ish yuklamasi quyidagicha belgilanadi:
1-4-sinflarda haftasiga 18 soat;
5-11-sinflarida haftasiga 20 soat.
Ish rejani shakllantirish uchun umumiy o‘rta ta'lim muassasasi pedagog xodimining yillik ish yuklamasi hisoblab chiqariladi.
Umumiy o‘rta ta'lim muassasasi pedagog xodimining yillik ish yuklamasi quyidagicha hisoblab chiqiladi:
1-4-sinflar uchun belgilangan bir stavka miqdoridagi ish yuklamasi haftalik hajmini 1 koeffitsiyentga ko‘paytirish orqali, ya'ni:
18*1=18+18=36*4,3(hafta)=154,8*43 (hafta)=1548 soat;
5-11-sinflar uchun belgilangan bir stavka miqdoridagi ish yuklamasi haftalik hajmini 0,8 koeffitsiyentga ko‘paytirish orqali, ya'ni:
20*0,8=16+20=36*4,3(hafta)=154,8*43 (hafta)=1548 soat.
Umumiy o‘rta ta'lim muassasasi pedagog xodimining yillik ish yuklamasi (bir stavka hisobida) bir haftada 36 soat, bir oyda 154,8 soat, bir yilda 1548 soat miqdorida quyidagi qismlardan iborat holda amalga oshiriladi:
o‘quv-tarbiya jarayoni;
o‘quv-tarbiya jarayonining metodik ta'minoti va tashkiliy-pedagogik jarayon.
O‘quv-tarbiya jarayoni uchun ajratiladigan soatlar miqdori quyidagicha aniqlanadi:
