"Bavariya" "Ayntraxt" darvozasiga javobsiz 5ta gol urib, Germaniya Superkubogini qo‘lga kiritdi

Foto: Bavariya

"Bavariya" Germaniya Superkubogi uchun bahsda "Ayntraxt" ustidan yirik hisobda g‘alaba qozondi. "Kommertsbank-Arena" stadionida kechgan o‘yin "Bavariya"ning 5:0 hisobidagi g‘alabasi bilan yakunlandi.

Jamoa hujumchisi Robert Levandovski het-trik qayd etgan bo‘lsa, Koman hamda Alkantara 1tadan gol urishga muvaffaq bo‘ldi.

"Bavariya" o‘z tarixida 7-marotaba Germaniya Superkubogini qo‘lga kiritmoqda. Klub eng yaqin ta'qibchisi "Borussiya Dortmund"dan 2ta sovrin ko‘p qo‘lga kiritgan holda, yetakchilik qilmoqda.

Ayntraxt F – Bavariya 0:5 (0:2, 0:3)

Gollar: 0:1 – 21 Levandovski, 0:2 – 26 Levandovski, 0:3 – 54 Levandovski, 0:4 – 63 Koman, 0:5 – 85 Alkantara.
Ayntraxt F – Rennov, Salsedo, Villems, da Koshta, Abraam, de Guzman (Rebich, 64), Xasebe, Gachinovich, Torro, Fabian (Blum, 64), Aller (Yovich, 76).
Bavariya – Noyyer, Zyule, Alaba, Kimmix, Xummels, Robben (Koman, 58), Alkantara, Martines, Riberi, Myuller (Gorettska, 64), Levandovski (Vagner, 72).
Ogohlantirishlar: Xummels (45), Abraam (70).