F-15 samolyotlarining yadro bombalarini tashlashi namoyish qilindi (video)

AQShning Sandiya milliy laboratoriyalari 4-avloddagi F-15 “Strayk Igl” samolyotlaridan B61 yadro bombasining tashlanishi lavhalarini e'lon qildi. Tegishli video tashkilotning YouTube-kanalida joylashtirilgan. Ta'kidlanishicha, bomba yadro zaryadisiz bo‘lgan. 

Lavhada bomba tashlanishining ikki holati ko‘rsatilgan: birinchi holatda samolyot yadro qurolini katta balandlikdan, ikkinchisida esa 270 metrdan sal balandroqdan tashlagan. Bomba tushishi vaqtida uning orqasidagi parashyut ochilishini ko‘rish mumkin.

Ma'lum qilinishicha, sinovlar Nevada shtatidagi Tonopa poligonida 2017 yilning 11 iyulida o‘tkazilgan.