43 yoshli Oksana Chusovitina Osiyo o‘yinlari sovrindoriga aylandi

Indoneziyada Osiyo o‘yinlarining beshinchi kuni doirasidagi musobaqalar davom etmoqda. O‘zbekiston terma jamoasiga navbatdagi kumush medal taqdim etildi.

Sport gimnastikasining tayanib sakrash bo‘yicha bahslarida Oksana Chusovitina kumush medalni qo‘lga kiritdi.

Shu tariqa, uch karra jahon chempioni, Yevropa chempioni, Osiyo o‘yinlari g‘olibasi, 7ta yozgi Olimpiya o‘yinlarida ishtirok etgan yagona gimnastikachi, 43 yoshli Oksana Chusovitina navbatdagi medal sohibasiga aylandi.

Shuningdek, Muattar Nabiyeva og‘ir atletika bo‘yicha o‘z ishtirokini boshladi.

Penchak silat bo‘yicha bahslarda ishtirok etgan uch nafar sportchimiz ilk janglaridayoq imkoniyatni boy berishdi va musobaqadagi ishtiroklarini yakunlashdi.