Andijonda fuqaro o‘z buvisini urib, 4 ming dollarni o‘g‘irlab ketdi

Shu yil 6 sentabr kuni Andijon viloyatining Qo‘rg‘ontepa tumanida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Qayd etilishicha, shu tumanda yashovchi R.M. “Nodira” MFYda yashovchi buvisi T.E.ning uyidan 4 400 AQSh dollari va 2 mln 700 ming so‘m pullarini yashirin ravishda o‘g‘irlab olib chiqib ketayotganida uni ko‘rib qolgan buvisi qarshilik ko‘rsatgan vaqtida R.M. uning yuziga qo‘li bilan urib, pullarni talonchilik yo‘li bilan olib ketgan. 

Ko‘rilgan choralar natijasida R.M. ushlangan. Holat yuzasidan jinoyat ishi qo‘zg‘atilgan. Tergov harakatlari davom etmoqda.