Toshkent shahri va Toshkent viloyatidagi avtosalonlarda sun'iy navbatlar hosil qilingani aniqlandi

Toshkent shahri va Toshkent viloyatidagi dilerlik markazlari tekshirilganida, 83 dona «Lacetti», «Cobalt», «Spark» va «Nexia» rusumli avtomobillar savdosi borasida qo‘pol qoidabuzarliklarga yo‘lga qo‘yilgani aniqlandi. Bu haqda «O‘zavtosanoat» AJ xabar bergan.

«Dilerlik markazlari xodimlari mijozlarni avtomobillar mavjudligi haqida o‘z vaqtida ogohlantirishmagan va bu bilan sun'iy avtomobil tanqisligi va navbatlar yuzaga kelishiga yo‘l qo‘yishgan. Shuningdek, tekshiruvlar doirasida muddatida sotilishi kerak bo‘lgan avtomobillar saqlanayotgan joylar ham aniqlandi. Ushbu dilerlik markazlariga nisbatan tegishli choralar ko‘riladi.

Ana shunday qo‘pol qoidabuzarliklarni aniqlash va ularni qonuniy javobgarlikka tortish davom ettiriladi.

Hurmatli mijozlar, sizga 15-16 sentabr kunlari Sergeli avtomobil bozorida «45 daqiqada avtomobil» aksiyasi doirasida 83 dona avtomobil savdoga qo‘yilishini va siz ularni ortiqcha navbatlarsiz xarid qilishingiz mumkinligini ma'lum qilamiz», deyiladi xabarda.