Yevrokomissiya BMW, Daimler va Volkswagen’ga nisbatan antimonopoliya tekshiruvi boshladi

Yevrokomissiya chiqindilarni tozalash texnologiyasi bo‘yicha ehtimoliy kelishuv yuzasidan BMW, Daimler va Volkswagen Group (Volkswagen, Audi, Porsche) konserniga nisbatan antimonopoliya tekshiruvi boshladi. Bu haqda Yevrokomissiyaning seshanba kuni tarqatilgan bayonotida ma'lum qilindi.

"Yevrokomissiya benzinli va dizelli yengil avtomobillarning chiqindilarni tozalash texnologiyasini ishlab chiqarish va joriy etish bo‘yicha BMW, Daimler va VW (Volkswagen, Audi, Porsche) guruhi o‘rtasidagi ehtimoliy kelishuv yuzasidan rasmiy antimonopoliya tekshiruvi boshladi", - deyiladi bayonotda.

O‘tgan yili Shvetsiyaning Scania avtomobilsozlik kompaniyasi 1997 yildan 2011 yilgacha beshta yuk mashinasi ishlab chiqaruvchi kompaniyalari bilan narxlar va zararli chiqindilarni kamaytirishga zarur bo‘lgan yangi texnologiyalar bo‘yicha kelishib olgani uchun 880 mln yevrodan ko‘proq jarima to‘lagandi.