Saudiya Arabistoni Rossiya va Turkiyaning Idlib bo‘yicha kelishuviga baho berdi

Foto: SANA/Reuters

Saudiya Arabistoni tashqi ishlar vaziri Odil al-Jubayr Suriyaning Idlibi bo‘yicha Rossiya-Turkiya kelishuvini «juda yaxshi», deb atadi. Bu haqda RIA Novosti xabar bermoqda.

Al-Jubayrning so‘zlariga ko‘ra, u voqealarning hozirgi rivojini «ijobiy» deb hisoblaydi hamda mintaqadagi mojaro muzokaralar yo‘li bilan hal etilishiga umid qiladi.

Eslatib o‘tamiz, avvalroq Amerika Qo‘shma Shtatlari prezidenti Donald Tramp Idlibda millionlab odamlar halok bo‘lishi mumkin ekani haqida ma'lum qilgandi.

Amerika prezidentining ta'kidlashicha, Suriyaning Idlibida keng ko‘lamli harbiy amaliyot o‘tkazilishiga qarshi. Uning xabar berishicha, AQSh ma'muriyatini bu viloyatda yirik amaliyotga «yo‘l qo‘ymaslikka» chaqirgan.