BMT sudi AQShdan Eronga qarshi ba'zi sanksiyalarni olib tashlashni talab qildi

Foto: AP

Birlashgan Millatlar Tashkiloti Xalqaro sudi AQShdan Eronga qarshi joriy etilgan ba'zi sanksiyalarni olib tashlashni talab qildi. Bu haqda Associated Press xabar bermoqda.

Qayd etilishicha, AQSh Eronga qarshi insonparvarlik yordami va fuqarolik aviatsiyasi xavfsizligi bilan bog‘liq mahsulot hamda xizmatlarning importiga ta'sir qiladigan sanksiyalarni olib tashlashi lozim.

Prezident Donald Tramp Tehron bilan yadroviy bitimdan chiqqach, AQSh sanksiyalarni qayta tiklashga kirishdi. Eron avgust oyi oxirida BMT sudida Qo‘shma Shtatlar sanksiyalari tufayli sud jarayonini boshladi.

Eslatib o‘tamiz, avvalroq Eron AQSh sanksiyalariga qarshi turish mexanizmini ishlab chiqayotgani xabar qilingandi.