O‘lim bilan yakun topgan selfilar soni qaysi davlatda eng ko‘pligi aniqlandi

Journal of Family Medicine and Primary Care jurnali selfi qilishga urinish chog‘ida ro‘y bergan o‘lim holatlari soni eng ko‘p qayd etilgan davlatlar ro‘yxatini tuzib chiqdi. 

Umuman olganda, 2011 yildan buyon 259ta «fojiali selfi» holati qayd etildi. Shu bilan birga, Hindiston ushbu ko‘rsatkich bo‘yicha mutlaq yetakchiga aylandi - 159ta holat.

Rossiya ikkinchi o‘rinni egalladi, ammo katta farq bilan - selfi oqibatida 16ta o‘lim holati. Keyingi pog‘onadan AQSh 14ta o‘lim holati bilan joy oldi.

Bundan tashqari, ma'lum bo‘lishicha, 72% holatda erkaklar qurbonga aylangan. Ta'kidlanishicha, ayollar aksariyat vaziyatlarda ko‘proq o‘zlarini suratga olishadi. Bu aynan erkaklar tavakkal qilishni va o‘zlarini shu paytda suratga tushirishni yoqtirishi bilan izohlanadi.

Shuningdek, tadqiqotchilarning aniqlashicha, selfi paytida halok bo‘lishning eng ko‘p sabablari - cho‘kish, transportdan halok bo‘lish va balandlikdan qulash.