Mustaqil Davlat Hamdo‘stligi chegaralari yaqinida NATO harbiy infratuzilmasining kuchaytirilishi «alohida tashvishga sabab bo‘lmoqda», deyiladi MDH ijro qo‘mitasi raisi Sergey Lebedevning bugun bo‘lib o‘tgan Mudofaa vazirlari kengashi yig‘ilishi ishtirokchilariga murojaatida.
«NATO harbiy infratuzilmasining Hamdo‘stlik g‘arbiy chegaralariga bevosita yaqin masofada faollashishi hamda kuchaytirilishi alohida tashvishga sabab bo‘lmoqda», - deyiladi murojaatda. Shu bilan birga, Hamdo‘stlik makonida xavfsizlikni ta'minlashda Kengashning yetakchi roli ta'kidlanadi.
Shuningdek, Suriyada IShIDga qarshi kurashda erishilgan yutuqlarga qaramasdan, ushbu terrorchilik tashkilotidan MDH davlatlari uchun xavf kamaymaydi.
«Hozirda terrorchilik faolligining Suriya-Iroq zonasidan Hamdo‘stligimiz janubiy chegaralariga ko‘chmoqda. Qo‘poruvchilik ishini olib borish uchun tayyorlangan jangarilar va terrorchilar bu mintaqadan MDH mamlakatlariga qaytmoqdalar», - deya ta'kidlab o‘tdi Lebedev.
Eslatib o‘tamiz, avvalroq Shavkat Mirziyoyev MDHga a'zo davlatlar mudofaa vazirlari bilan uchrashgandi.
