OAV: Buyuk Britaniya va YeI Brexit’ga doir yana bir kelishuvga erishdi

Buyuk Britaniya bosh vaziri Tereza Mey Bryussel bilan kelishuvga erishdi. Unga ko‘ra, Britaniya kompaniyalari Brexit’dan keyin Yevropa ittifoqi bozorlariga kirish huquqini saqlab qoladi. Bu haqda The Times gazetasi manbalarga tayangan holda yozmoqda.

Ta'kidlanishicha, tomonlar kelishuvi Britaniya kompaniyalarining Yevropa ittifoqi bozorlariga kirishi, Buyuk Britaniyaning ushbu sohadagi qonunlari Yevropa normalari bilan muvofiqlashgan holda qolishiga qadar saqlanishini nazarda tutadi.

Gazetadan aytishlaricha, Yevropa ittifoqi moliyaviy bozoriga kirish hozirgi paytda bunday qaror kuchga kirishidan bir oy oldin bir tomonlama ogohlantirish bilan olib tashlanishi mumkin. Biroq, yangi kelishuv ekvivalentlik tushunchasining kengayishini o‘z ichiga oladi - endi bu masala yanada kengroq savdo bitimi bilan tartibga solinadi, deya qo‘shimcha qilib o‘tgan manbalar.

Eslatib o‘tamiz, avvalroq Times Brexit’dan so‘ng o‘tish davri bir necha yilga cho‘zilishi haqida yozgandi.

The Times’ning mamlakat hukumati hujjatlariga tayangan holda xabar berishicha, Brexit'dan keyingi o‘tish davri bir necha yil davom etishi mumkin. 

Mavjud ma'lumotlarga ko‘ra, vazirlarni o‘tish davrining bir necha oy davom etishiga hech qanday kafolat yo‘qligi haqida xabardor qilishgan. Aslida, Britaniya tomonining Yevropa ittifoqidan chiqishi uzoq muddatli amalga oshirish davri bilan tugashi mumkin. Bundan tashqari, u, katta ehtimol bilan, har yili ortib boradi.