Moskvada haydovchilarning piyodalarga yo‘l bermaganlik holatlarini qayd etish uchun kameralar o‘rnatiladi

2019 yilda Moskva yo‘llarida 200ta kamera o‘rnatiladi. Ular boshqarilmaydigan o‘tish joylarida haydovchilarning piyodalarga yo‘l bermaganlik holatlarini qayd etadi. Bu haqda yo‘l harakatini tashkil etish markazi matbuot xizmatiga tayanib Autonews.ru xabar berdi.

«Afsuski, ko‘plab yo‘l-transport hodisalari piyodalarni zebra chiziqlarida o‘tkazib yubormaslik bilan bog‘liq. Piyodalar yo‘l harakatining eng kam himoyalangan ishtirokchilari hisoblanishadi va transport hodisalarida hammadan ko‘p aziyat chekishadi. Shu yilning o‘zida 162 piyoda halok bo‘lgan – bu 9 oy davomida sodir bo‘lgan YTHlarda qurbon bo‘lganlarning yarmini tashkil etadi», — deyiladi matbuot xizmati xabarida.

Yangi kameralar kelasi yil davomida o‘rnatilishi rejalashtirilgan. Kameralar ijaraga olinadi. Shartnoma 5 yilga tuziladi va bu muddat davomida pudratchi kameralarning ish faoliyatini ta'minlab beradi. Ijara muddati nihoyasiga yetganidan so‘ng kameralar shahar mulki hisobiga o‘tadi.