Moskvada migrantlar orasida jinoyatchilik kamayganligining sababi aytildi

Moskvada ro‘yxatdan o‘tish va patent berish tufayli migrantlar orasida jinoyatchilik sodir etilishi teng yarmiga kamaydi, dedi Moskva meri Sergey Sobyanin.

"Bugungi kunda 70% gastarbayterlar ro‘yxatdan o‘tmoqda, patent olmoqda, barmoq izlarini qoldirmoqda, ya'ni biz ularni ko‘ramiz va taniymiz. Bu migratsiya bilan bog‘liq jinoyatlarning sezilarli ravishda kamayishiga olib keldi", dedi Sobyanin "Rossiya-1" telekanaliga bergan intervyusida.

U Moskvada videokuzatuv tizimi hovlilar, uylar, transport tizimi, savdo markazlari va shahar ko‘chalarini qamrab olganini, bu esa politsiya ishi samaradorligini oshirishini ta'kidladi.