Qoʻshimcha funksionallar
-
Tungi ko‘rinish
Azar «Real»ga o‘tish orzusini yana bir bor tasdiqladi. U qishda ketmaydi, yozda mumkin
«Chelsi» yarimhimoyachisi Eden Azar «PSJ» jamoasining Fransiya chempionatidagi va Chempionlar ligasidagi ishtirokiga baho berdi.
«PSJ» YeChLning 5-turida «Liverpul»ni qabul qiladi.
«Agar Liga 1 darajasiga qaraydigan bo‘lsak, ichki chempionatdagi har bir o‘yin «PSJ» uchun – yengil sayrdir. Ular Chempionlar ligasida o‘ynashni ham oson bilishadi.
Ammo ular bu turnirda qattiq kurashishlari zarur. Men Liga 1 darajasini muhokama qilmoqchimasman, ammo men «PSJ»ning natijalariga qarar ekanman, bu chempionat juda kuchsiz ko‘rinadi.
«Liverpul» – kuchli hujum chizig‘iga ega ajoyib jamoa: Saloh, Firmino va Mane. Ammo o‘yini chiqsa «PSJ» istalgan raqibni mag‘lub etishi mumkin.
«PSJ» meni transfer qilmoqchi bo‘lib aloqaga chiqqan, ammo men rozilik bildirmadim. Men hamisha aytganman, agar Fransiya chempionatiga qaytsam, bu «Lill» bo‘ladi», – degan Azar.
Azar shuningdek «Real» o‘z orzusidagi klubi ekani haqidagi savolga javob qaytargan.
«Jiddiysini aytaymi? Ha, bu to‘g‘ri. Lekin men ayni vaqtda bor e'tiborimn «Chelsi» o‘yinlariga qaratganman. Mening shartnomam mavsum oxiriga qadar tuzilgan.
Agar kelishuvni uzaytirmasam, barchasi bo‘lishi mumkin. Men yanvarda klubimni almashtirmayman, men o‘z klubimga va muxlislarga nisbatan bunday ish qilmayman.
Balki, keyingi yozda bo‘lishi mumkin. Ammo bu boshqa masala. Balki men butun faoliyatimni «Chelsi»da o‘tkazishim mumkin», – deya qo‘shimcha qilgan Azar.
