«Inter» himoyasi Madridda tomoşa körsatdi, Holandda ğayrioddiy natija. Kun öyinlari
|11:05 / 09.09.202632 18814 min
Seşanba oqşomida Çempionlar ligasi umumiy guruh bosqiçida dastlabki oltita öyin bölib ötdi.
Foto: Dennis Agyeman/Europa Press via Getty Images Kilian Mbappe golni Valverde bilan nişonlamoqdaFoto: Dennis Agyeman/Europa Press via Getty Images Kilian Mbappe golni Valverde bilan nişonlamoqda
«Real» «Inter» himoyasini qöpol xatolar uçun keçirmadi – 2:1. Joze Mourinio sobiq jamoasi ustidan ğalaba qozondi.
«Inter» futbolçilari «Bernabeu»da tom maʼnoda dovdiraşdi va jamoa öyini raqib pressingi ostida soçilib ketdi. 14-daqiqada Kertis Jons jarima maydoni yaqinida töpni oldirdi, Braim Dias esa vaziyatdan foydalanib, darhol uning ortida böş turgan Kilian Mbappeni töp bilan taʼminladi. Fransuz hujumçisi esa bunday imkoniyatni qöldan boy bermaydi.
Milanliklar 23-daqiqada ham yana bir gol sovğa qilişdi: darvozabon Jozep Martines negadir fint işlatişga qaror qildi, undan töpni olib qöygan Fede Valverde esa hisobni 2:0 körinişiga keltirdi.
Milanliklar 77-daqiqada bitta gol bilan javob qaytarişdi: Karlos Augusto Lautaro Martines qanotdan oşirgan töpni Kurtua qöriqlayotgan darvozaga joylab qöydi. Ammo «Real»ga birinçi bölimda urilgan gollar ğalaba uçun yetarli böldi.
Bu oqşom 27 yoşli Kilian Mbappe YEÇL tarixidagi eng yaxşi töpurarlar beşligiga kirişga ulgurdi. Uşbu fransuz 99 öyinda 71 gol urgan – u şunça golni 142 öyinda urgan Raulga yetib oldi. Keyingi maqsad – «Real»ning yana bir afsonasi, 90 golga ega Karim Benzemaga yetib oliş.
«Inter» esa şu kuni mavsumda ilk bor oçko yöqotdi. Bungaça jamoa A Seriyada uç öyindan iborat ğalabali seriya qayd etayotgandi.
Joze Mourinio «Inter»ga qarşi öyinlardagi statistikasini yaxşiladi. Bungaça u «Roma» boş murabbiyi sifatida uşbu sobiq jamoasiga qarşi olti öyinda beş marta yutqazgan, bir marta durang öynagandi.
Mavzuga oid
«Real» keyingi turda ham A Seriya vakiliga qarşi öynaydi – Joze Mourinioning yana bir sobiq jamoasi «Roma»ga qarşi safarda. «Inter» esa öz uyida «Bryugge»ni qabul qiladi.
«Portu» öz uyida istalgan raqibning hayotini qiyinlaştira oladi va «ajdarlar» ilk daqiqalardanoq «Mançester Siti» himoyasini ham tezkor hujumlari bilan sinovdan ötkaza boşladi. Şu bilan birga, öz darvozasi qarşisida ham xavfli vaziyatlarga yöl qöydi. Avvaliga Foden töpni Holandning boşiga yetkazib berdi va Diogu Koşta tösin ostiga kirib ketayotgan töpni tösib qoldi. Keyin esa uşbu darvozabon Fodenning jarima maydoni taşqarisidan yöllagan xavfli zarbasini bartaraf etdi. Bölim davomida bir hujumning özida Holand va Şerkining zarbalarini ham qaytardi.
Enso Mareska jamoasiga bu hujumlarda omad yetişmadi, ammo bölim oxirida inglizlarning ham omadi keldi: mehmonlar son jihatdan ozçilik bölib qolişi mumkin edi, ammo öyin boş hakami raqibining boşiga oçiqçasiga tirsak bilan zarba bergan Geyiga sariq kartoçka ham körsatmadi.
Ikkinçi bölim esa Koşta taslim bölişi bilan boşlandi. Şerki maydon taşqarisiga çiqib ketayotgan töpni olib qoldi va uni Fernandesga yetkazdi, Enso esa töpni Holandning boşiga yetkazib berdi va hisob oçildi.
«Portu» ikkinçi bölim davomida hisobni tenglaştirişga yaqin kelgandi. Himoyaçilar Donnarummaga noqulay pas berişgandi, ammo uning baxtiga Gomesning zarbasidan keyin töp ustun yonidan ötib ketdi.
Öyinga qöşib berilgan daqiqalarda Erling dublni rasmiylaştirib, asosiy yevrokubokdagi 59 uçraşuvda 59 gol urgan holda, aqlbovar qilmas natija qayd etdi. Bundan taşqari, norvegiyalik hujumçi Tomas Myullerni ortda qoldirgan holda, turnir tarixidagi eng yaxşi töpurarlar röyxatida yettinçi öringa kötarildi. Öyin yanada yirik hisobda yakunlanişi mumkin edi, ammo portugaliyaliklar posboni seyv ijro etişda davom etdi (jami 8 ta seyv) va uning qahramonliklari guruh bosqiçi yakunida, töplar nisbati hisoblanayotganda «Portu»ga qöl kelişi mumkin.
«Siti» keyingi turda «Etihad»da «PSJ»ga qarşi supermatç ötkazadi, «Portu» esa «Betis» mehmoni böladi.
Bu mavsum startida «Borussiya»ning omadi kelmayapti: dortmundliklar bir yarim hafta içida yozda jami 56 mln yevro sarflab sotib olingan ikki futbolçisi jiddiy jarohat oldi. Bundesliganing birinçi turida Konstantelias xoçsimon boğlamlari uzilişi tufayli safdan çiqqandi, seşanba oqşomidagi öyinning birinçi bölimi örtalarida esa gretsiyalik boşqa bir isteʼdodli futbolçi Karetsas maydonni zambilda tark etdi. Qolaversa, u darvozabon Kobelga ham tibbiy yordam körsatişga töğri keldi, ammo u maydonda qoldi.
Birinçi bölimdagi yagona xavfli vaziyat «asalarilar»da böldi. Ammo Girassi Bayerning olis ustun tomon yöllagan uzatmasiga yetib bora olmadi. Ikkinçi bölim esa Nvanerining zarbasi ustunga borişi bilan boşlandi, mezbonlar hujumkor öynaşda davom etişdi va Bayerning qanotdan uzatmasi Renatu Veyganing avtogoliga sabab böldi. Ammo ötkazib yuborilgan gol ispanlarni uyğotdi. Mehmonlar ketma-ket hujumlar uyuştirişdi, avvaliga Oluvaseyi va Pepe xavfli zarbalar yölladi, Santiyago Mourinio esa baribir hisobni tenglaştirdi.
Ammo şundan keyin şu kuni «Borussiya» safida 100-uçraşuvini ötkazayotgan Girassi katta maydonga çiqdi. U Fabiu Silvaning pasidan böş darvozani işğol etiş bilan boşladi. Keyin esa özi işlagan penaltini aniq ijro etib, oradagi farqni oşirdi. Öyinga qöşib berilgan daqiqalar esa dramatik tarzda keçdi. Avvaliga Girassi öyindagi uçinçi golini urdi, ammo bu safar öz jamoasi darvozasiga. Öyin yakunlanişi arafasida Veyga avtogol uçun aybini yuvişi mumkin edi, ammo portugaliyalik himoyaçi qulay vaziyatdan foydalana olmadi va mezbonlar ğalabani saqlab qolişdi.
Keyingi turda «Borussiya» şimolga, «Budyo-Glimt» maydoniga safar qiladi, «Vilyarreal» uyda «Napoli» bilan öynaydi.
Bahorda «Aston Villa» sensatsion ravişda 1/8 finalga çiqqan «Bryugge»ni osonlik bilan ortda qoldirgandi (3:1, 3:0). Bu safar tarkibi yangilangan holda Belgiyaga taşrif buyurgan birminghemliklar yangi mavsumdagi ilk ğalabasiga erişdi va törtinçi uçraşuvga kelib gollar hisobini oçişdi. Markaziy himoyaçi Pau Torres töpni jarima maydoniga qadar olib bordi va Makginni golli pas bilan taʼminladi. Endi şotlandiyalik yarimhimoyaçi 12 gol bilan «Villa»ning yevrokuboklardagi eng yaxşi töpurariga aylandi.
Unai Emeri muvaffaqiyatni rivojlantirib, hisobni yiriklaştirib qöyişi mumkin edi. Ammo avvaliga Yan Zommer Hemmingsning yaqin masofadan yöllagan zarbasini qaytardi. Inglizlarning ketma-ket hujumlaridan omon çiqqan «Bryugge» ham hujumga ötdi va Virjili Vetlesenni golli pas bilan taʼminladi. Ammo mezbonlarning quvonçi uzoqqa çözilmadi – hisob tenglaşganidan uç daqiqa ötganida Joao Gomes himoyaçini aldab ötib, Buendiyani golli pas bilan taʼminladi.
Keyin esa Zommer asabiylaşa boşladi. Birinçi holatda u hujum boşlaşga şoşilib, töpni raqibga oldirdi va xavfli masofada jarima zarbasi belgilandi. Keyingi epizodda esa u himoyaçilarni suğurtalaş uçun jarima maydonini taşlab çiqdi, töpga birinçi bölib yetib kelgan Jekson esa böş darvozani işğol etib, amalda öyin taqdirini hal qildi – 1:3.
Ikkinçi bölimda Van-Bissaka jarima maydoni içida töpni qöli bilan öynadi va Tresoldi 11 metrdan aniq zarba berib, hisobni qisqartirdi. Ammo öyinning qolgan qismida «Villa» ğalabali hisobni uşlab qoldi.
Keyingi turda «Villa» «Fenerbahçe»ni qabul qiladi, belgiyaliklar «Inter» mehmoni böladi.
Lilldagi öyin umumiy guruh bosqiçidagi eng yoş va eng tajribali murabbiylarning dueliga aylandi – 37 yoşli Davide Ançelotti 72 yoşli Manuel Pellegriniga qarşi. Mehmonlar avvaliga himoyalanişga majbur bölişdi, ammo baribir gol ötkazib yuborişdi. Fransuzlar jamoasi yozgi transferlar oynasining sönggi kunida «Feyenoord»dan sotib olgan Ueda Itan Mbappening ajoyib uzatmasini golga aylantirdi. Yaponiyalik hujumçi bu vaziyatda darvozabon hududida turib töpga şunçaki boşi bilan teginib qöyişi yetarli edi. Kilianning ukasi uçun bu YeÇLdagi ilk golli pas böldi.
Şundan keyin «Betis» ham faollaşdi va burçak töpi işlandi. Pablo Fornals töpni havolatib jarima maydoniga oşirdi, Bartra boşi bilan töpni darvozaga qadab qöydi. Bu sevilyaliklar jamoasining YeÇLda 20 yil-u 311 kundan buyon urgan ilk goliga aylandi.
Uç daqiqa ötib mezbonlar ham burçak töpidan unumli foydalanişdi. Perren töpni Aleksandro taşlab berdi, u esa töpni olis töqqizlik tomon yönaltirdi – 2:1.
Ikkinçi bölim boşida esa Bartra dubl muallifiga aylandi. U bu safar Isko jarima zarbasidan oşirgan töpni boş bilan mezbonlar darvozasiga yölladi. Bir neça daqiqa ötib esa Perrott mehmonlarni oldinga olib çiqdi – 2:3.
Uç daqiqa ötib Mbappe öyin antiqahramoniga aylandi. Ispanlar futbolçisi Natan uning oldidan ötayotib, yelkasiga qoqib qöydi, Itan esa uning yuziga tirsak bilan zarba berdi. VAR zamonida esa bunday harakat ahmoqlik, bu harakat amalda öyin taqdirini hal qildi – mezbonlar ozçilik bölib qolgaç, hisobni tenglaştiriş uçun ham kuç topa olmadi.
«Lill»ni keyingi turda «Arsenal»ga qarşi qiyin safar kutmoqda, «Betis» «Portu»ni qabul qiladi.
Greklar klubi sakkiz yildan buyon YEÇL asosiy bosqiçida qatnaşmayotgandi. Jamoaga Marko Nikoliç taklif etilişi esa barçasini özgartirdi. U avvaliga AYeKni Konferensiyalar ligasi çorakfinaliga olib çiqqandi, endi esa asosiy yevrokubokni ğalaba bilan boşladi. Avstriya çempioni va turnir debyutanti hisoblangan LASK greklar bilan zarbalar almaşinuviga kirişdi (zarbalar soni mezbonlar foydasiga 18:11). Lekin bu zarbalardan faqat bittasi golga aylandi – 21-daqiqada AEK yarimhimoyaçisi Marin tomonidan jarima zarbasi orqali urilgan gol yagonaligini saqlab qoldi.
Ikkinçi bölim örtalarida «Real» va «Milan»ning sobiq hujumçisi Yoviç mehmonlar darvozasini yana bir bor işğol etgandi. Ammo bu hujum vaqtida Mayer ofsaydga kirib qolgani tufayli gol bekor qilindi. Öyin oxirida Kalayjiç hisobni tenglaştirişga yaqin edi, ammo u böş darvoza qarşisida turib boş bilan yöllagan zarbadan keyin töp tösin yuqorisidan ötib ketdi.
AEK keyingi turni Londonda «Şaxtyor» bilan ötkazadi va startdagi ikki turda 6 oçko jamğariş uçun yaxşi imkoniyatga ega. LASK esa uyda «Liverpul» bilan öynaydi.
