UFC rahbari Nurmagomedov va Makgregorning navbatdagi raqiblarini ma'lum qildi

Mutlaq jangchilar chempionati (UFC) prezidenti Dana Uayt rossiyalik Habib Nurmagomedov va irlandiyalik Konor Makgregorning bo‘lajak raqiblari haqida gapirdi.

«Endi Konor Dastin Pore bilan jang o‘tkazishi mantiqan to‘g‘ri bo‘ladi. Toni Fergyuson kamar uchun bahsda Nurmagomedov bilan to‘qnash keladi. Keyin ushbu janglarning g‘oliblari bir-birlari bilan jang o‘tkazadilar», - deya Uaytning so‘zlarini keltiradi MMA Mania.

UFC rahbari ta'kidlashicha, hozirgi vaqtda asosiy masala rossiyalikning ehtimoliy chetlatilishi hisoblanadi.

«Umid qilamanki, Nurmagomedov bir yildan ortiq muddatga chetlatilmaydi», - deya qayd etib o‘tdi u.

Eslatib o‘tamiz, avvalroq Toni Fergyuson Habib Nurmagomedovni ayblab chiqqandi.