8392.2 USD -2.95

9477.31 EUR -32.72

126.25 RUB -1.42

10816.7 GBP -52.49

16:36 / 04.01.2019 17325

ОАВ: Меркель хакерлик ҳужуми қурбони бўлди

Фото: REUTERS

Германияда вазирлар маҳкамаси ва партиялар аъзолари, журналистлар, шунингдек, мамлакат канцлери Ангела Меркель ҳамда федерал президент Франк-Вальтер Штайнмайер хакерлик ҳужуми қурбонига айланди. Бу ҳақда Bild манбаларга таянган ҳолда хабар бермоқда.

Таъкидланишича, ҳужумлар ўтган йил октябрь ойининг охирига қадар давом этган. Шу билан бирга, улар қачон бошлангани ва ким томонидан ташкил этилгани аниқ эмас. Бу ҳолатда Россия ва Хитой ҳужумларга алоқадор бўлиши истисно этилмаяпти. Бундан ташқари, Россия томони Германиянинг ультраўнг гуруҳлари билан ҳамкорлик қилган бўлиши мумкин.

Мавжуд хабарларга кўра, ҳозирги вақтда хакерлар ўғирланган маълумотларнинг фақат бир қисмини интернетда жойлаштиришган. Мобил телефон рақамлари, шахсий электрон почта манзиллари, расмий ва хусусий ёзишмалар, махфий сўзлар, шахсий фотосуратлар ҳамда ҳужжатлар ўғирланган. Ҳужум қурбонлари орасида Германия канцлери Ангела Меркель ҳам бор. Ҳозирги вақтда мамлакатнинг барча асосий партиялари орасида жабрланганлар борлиги, фақат «Германия учун муқобил»да бу ҳолат кузатилмаётгани маълум.

Эслатиб ўтамиз, аввалроқ Меркель партия раҳбари лавозимини тарк этгани, унинг ўрнини партия бош котиби эгаллагани хабар қилинганди.

Top