Toshkent shahridagi ayrim ko‘chalarda harakat vaqtinchalik cheklanadi 

“14 yanvar – Vatan himoyachilar kuni” bayramiga bag‘ishlab 2019 yil 5 yanvar kuni Qurolli kuchlar Akademiyasi shaxsiy tarkibi o‘rtasida “Yarim marafon” yugurish sport turi bo‘yicha musobaqa o‘tkaziladi.

Toshkent shahar hokimligi matbuot xizmati xabariga ko‘ra, marafon davomida 5 yanvar kuni 15:00 dan 17:00 ga qadar Mustaqillik ko‘chasi, Kichik halqa aylanma yo‘li orqali ko‘prik tagi bilan Maxtumquli ko‘chasi, Mirzo Ulug‘bek shoh ko‘chasi va Parkent chorrahalari orqali Mustaqillik ko‘chalarida avtomobil harakati bir muddatga cheklanadi.

«Keltirilgan noqulayliklar uchun uzr so‘raymiz», - deyiladi poytaxt hokimligi xabarida.