Venesuelaning muxolif parlamenti prezident Maduroning qarorini bekor qildi

Muxolifat nazoratida bo‘lgan Venesuela milliy assambleyasi prezident Nikolas Maduroning mamlakatning Amerika davlatlari tashkilotidan (ADT) chiqish qarorini bekor qildi. 

“Bir ovozdan Venesuelaning ADTda a'zoligini davom ettirish loyihasi qabul qilinsin”, deyilgan parlamentda.

Maduro mintaqaviy tashkilotni tark etishga 2017 yil aprelda qaror qilgan. Maduro mamlakatning darhol tashkilotdan chiqishini talab qilgan, vaholanki bu jarayon 2 yil vaqt oladi va joriy yil 27 aprelda yakunlanishi lozim. Maduro bu sanani bayram sanasi deb e'lon ham qilgan. ADT Maduroning yangi prezidentlik vakolatlarini tan olmayapti.

Shuningdek, parlament mamlakatning ADTdagi maxsus vakilini tayinlagan, u mamlakatning tashkilotda a'zoligi davom etishini kafolatlaydi. Bu lavozimni sobiq deputat va advokat Gustavo Tarre Briseno egallagan.