Toliblar Moskvada Afg‘oniston bo‘yicha bo‘lib o‘tadigan konferensiyada ishtirok etishini tasdiqladi

O‘n kishidan iborat delegatsiya 5 fevral kuni Moskvada bo‘lib o‘tadigan Afg‘oniston bo‘yicha konferensiyada ishtirok etadi. Bu haqda "Tolibon" harakati rasmiy vakili Zabiullo Mujohid ma'lum qildi.

Mujohidning bildirishicha, delegatsiyaga Sher Muhammad Abbos Stanikzay boshchilik qiladi. 

Konferensiyada Rossiya, Eron, Pokiston, MDH davlatlaridagi afg‘on diasporalari vakillari va afg‘onistonlik siyosatchilar ishtirok etadi.

Mazkur anjumanda Afg‘onistonda tinchlik o‘rnatish va turli guruhlar o‘rtasida o‘zaro kelishuv uchun yo‘l ochish masalalari muhokama qilinadi.