23 fevral kuni Angliya Premer-Ligasi 27-turidan o‘rin olgan «Byornli» - «Tottenhem» o‘yini o‘zbekistonlik muxlislar orasida keng muhokama qilindi. Chunki bu uchrashuv vaqtida «Terf Mur» stadionida «Life is too short not to visit Uzbekistan» (Hayot O‘zbekistonga tashrif buyurmaslik uchun juda qisqa) reklamasi ketdi. Shuningdek, reklamada Buxoroning parallaksidan ham foydalanilgan bo‘lib, u atrof bilan qorishib ketadi.
Dunyoning eng ommabop ligasida O‘zbekistonning reklama qilinishi, albatta yoqimli holatdir. Chunki bu chempionat o‘yinlarini butun dunyoda yuz millionlab kishilar tomosha qilishadi. Masalan, «Byornli» - «Tottenhem» o‘yinini 200 millionga yaqin kishi tomosha qilgan.
Xo‘sh, bu reklamaning foydasi bo‘ldimi? Uni qanday muhokama qilishmoqda? Ijtimoiy tarmoqlarning O‘zbekistondagi foydalanuvchilari bu reklama haqida jo‘shib gapirishlari turgan gap. Lekin boshqa mamlakatlardagi odamlarning fikrlari biz uchun qiziq. Futbol o‘yinlari ijtimoiy tarmoqlar orasida ayniqsa tvitterda keng muhokama qilinadi. Keling, dunyodagi tvitterchilar yuqoridagi mavzuda nimalar yozishgani bilan qiziqsak.
Watching Tottenham v Burnley and one of the field advertisemens says “Life is too short not to visit Uzbekistan” - lol not happening.
— Conn Carroll (@conncarroll) 23 fevralya 2019 g.
* «Byornli» - «Tottenhem» o‘yinini ko‘rib turgandim. U yerda hayot O‘zbekistonga bormaslik uchun juda qisqa ekanini eslatishdi...».
Watching Tottenham/Burnley and seeing ads telling me to visit Uzbekistan. I think I will.
— Zach Perry (@ZachaaryPerry) 23 fevralya 2019 g.
* «Byornli» - «Tottenhem» o‘yinini ko‘rayotganda O‘zbekistonga borishni tavsiya qilishdi. Menimcha, borsam kerak».
Not sure who’s getting more profile at today’s premier league game at Burnley... Harry Kane or Uzbekistan?Central Asia watchers will have spotted the pitch side advers stating ‘life’s too short not to visit #Uzbekistan’ visa free pic.twitter.com/26eCJHwL65
— Jim Buttery (@JimButtery) 23 fevralya 2019 g.
