OAV: Kim Chen In KXDRga qaytayotib Si Tszinpin bilan uchrashishi mumkin

KXDR yetakchisi Kim Chen In Vetnamdan qaytayotib XXR raisi Si Tszinpin bilan uchrashuv o‘tkazishi mumkin. Bu haqda o‘z manbalariga tayanib Yonhap agentligi xabar berdi.

Agentlikning ma'lumot berishicha, Kim Chen In Vetnamdan qaytishda Pekinda to‘xtab o‘tadi. U bu yerda Xitoy rahbarini AQSh prezidenti Donald Tramp bilan uchrashuvi natijalaridan xabardor qiladi. 

27-28 fevral kunlari Xanoy shahrida AQSh-KXDR sammiti bo‘lib o‘tdi. Uchrashuv natijalariga ko‘ra tomonlar kelishuvga erisha olmadi.

Koreya Markaziy telegraf agentligining bildirishicha, Donald Tramp va Kim Chen In Xanoydagi sammitda yangi uchrashuv o‘tkazish to‘g‘risida kelishib olgan.