Iroqda IShIDga qurol yetkazib bergan asosiy shaxslardan biri ushlandi

Iroq harbiy razvedkasi mamlakat shimolida IShID terrorchilik guruhiga qurol-yarog‘ yetkazib beruvchi asosiy shaxslardan birini qo‘lga oldi. U 2014 yilda Spayker aviabazasida 1,7 ming iroqlik harbiylarni o‘ldirishga aloqador ekani aytilmoqda.

«Maxsus amaliyot davomida... Naynava viloyati operativ qo‘mondonligi harbiy razvedkasi maxsus bo‘linmalari xavfsizlik masalalari bo‘yicha mas'ul bo‘lgan IShID rahbarlaridan birini qo‘lga oldi», - deyiladi viloyat harbiy razvedkasi boshqarmasi tomonidan payshanba kuni e'lon qilingan bayonotda. Bu haqda RIA Novosti yozmoqda.

Qo‘lga olingan shaxs «Spayker aviabazasidagi qirg‘inda ishtirok etgan, shuningdek, IShIDga qurol yetkazib berish bilan shug‘ullangan eng xavfli terrorchilardan biridir», - deyiladi bayonotda.

Saloh-ad-Din viloyatidagi Tikrit shahri yaqinida joylashgan Spayker aviabazasidagi qirg‘in 2014 yil iyun oyida, IShID terrorchilari uni egallab olganidan keyin sodir bo‘lgan. Turli taxminlarga ko‘ra, 1,7 mingga yaqin harbiy jangarilarning qurboni bo‘lgan. Ularning jasadi baza ozod etilganidan keyin ommaviy qabrlarda topildi.

Bundan oldin, IShID jangarilari GRUga hujum qilishni rejalashtirgani xabar qilingandi.