Shvetsiya va Tojikistondagi hujumlarga masofadan boshchilik qilgan, IShID terrorchilik tashkiloti yetakchilaridan biri Tojiddin Nazarov (Abu Usama Norakiy) Moskvadagi GRU obektida terakt uyushtirishga tayyorgarlik ko‘rgan. Bu haqda «Kommersant'» gazetasi yozmoqda.
Nashr ma'lumotlariga ko‘ra, Norakiy tomonidan tashkil etilgan terrorchilar guruhlari Xoroshevskiy shossesidagi GRU qarorgohi yonida harbiy xizmatchilarga hujum qilishni rejalashtirgan. Shuningdek, ular «temir yo‘l yo‘lovchilari»ga nisbatan terakt sodir etish maqsadida bo‘lgan.
Gazetadan qayd etishlaricha, FXX atseton triperoksidi asosidagi xavfli portlovchi moddani sotib olishga urinish paytida ularni aniqlab, terrorchilar rejalarining oldini olishga muvaffaq bo‘lgan.
Eslatib o‘tamiz, avvalroq Rossiyada O‘zbekistonning uch nafar fuqarosi qamalgandi.
