Hasanboy Do‘smatov jarohat olib, Bokudagi musobaqa finaliga chiqa olmadi

Ozarbayjon poytaxti Bokuda boks bo‘yicha xalqaro musobaqa bo‘lib o‘tmoqda. Unda qatnashayotgan o‘zbekistonlik Olimpiada chempioni Hasanboy Do‘smatov bugun yarim final jangida ringga chiqishi kerak edi. Biroq -52kg vazn toifasida ringga ko‘tarilishi kerak bo‘lgan Do‘smatov jarohati sabab yarim final jangida qatnashmaydigan bo‘ldi.

Spors.uz nashrining xabar berishicha, Do‘smatov qoshidan olgan jarohati sabab yarim finalda jang qilmaydi va uning raqibi qozog‘istonlik Oljas Bayniyazovga texnik g‘alaba yoziladigan bo‘ldi.