Ukraina MSK 40 foizdan ortiq ovozni hisoblab chiqdi, Zelenskiy yetakchilik qilyapti

Shoumen Vladimir Zelenskiy Ukraina prezidentligi uchun saylovlarda 40,09% ovozlar qayta ishlangandan keyin yetakchilik qilmoqda. Bu haqda RIA «Novosti» Ukraina MSKga asosan xabar berdi.

Agentlik ma'lumotlariga ko‘ra, Zelenskiy saylovchilarning 30,22% ovozini to‘plagan.

Qayd etilishicha, ikkinchi o‘rinni Ukraina yetakchisi Pyotr Poroshenko 16,65 foiz ovoz bilan egallab turibdi.

Shu bilan birga, yetakchilar uchligiga «Batkivshchina» partiyasi rahbari Yuliya Timoshenko 13,13% ovoz bilan yakun yasab bergan.

Xabarlarga ko‘ra, Ukrainaning deyarli 11 million fuqarosi mamlakat prezidentligi uchun saylovlarda ovoz berishda qatnashmagan. 

TASS ma'lumotlariga ko‘ra, hammasi bo‘lib taxminan 18,8 mln ukrainalik saylov byulletenlarini olgan.

Ta'kidlanishicha, Ukrainaning 1 milliondan 3 milliongacha bo‘lgan fuqarolari mamlakat ichki qonunchiligi o‘ziga xos xususiyatlari tufayli ovoz bera olishmagan.

Bundan oldin, Zelenskiy va Poroshenko ikkinchi turga o‘tishgani xabar qilingandi.

Ukraina Markaziy Saylov komissiyasi ovoz berish yakunlarini 10 aprelga qadar e'lon qiladi. Ikkinchi tur 21 aprel kuniga belgilangan.