YeChL. «Tottenhem» va «Liverpul» chorak finalni g‘alaba bilan boshladi

UYeFA Chempionlar Ligasida chorak finalning birinchi o‘yinlari o‘tkazildi. Unda Angliyaning ikki jamoasi «Tottenhem» va «Liverpul» g‘alaba qozondi va yarim final uchun ilk qadamni tashladi. «Liverpul» chorak finalninng birinchi o‘yinida «Portu»ni qabul qilib 2:0 hisobida g‘alaba qozondi. 5-daqiqadayoq Nabi Keyta hisobni ochgandi. 26-daqiqada Roberto Firmino ham bitta gol urib, farqni ikkitaga oshirdi.

«Tottenhem» esa o‘z maydonida Angliyaning boshqa bir jamoasi «Manchester Siti»ni qabul qildi va 1:0 hisobida g‘alaba qozondi. O‘yinning birinchi bo‘limida «Siti» yetakchisi Serxio Aguero penaltidan gol ura olmadi. Ugo Loris hujumchining zarbasini qaytardi.

Ikkinchi bo‘limda «Tottenhem» tarkibida ikkita jiddiy yo‘qotish kuzatildi. Avvaliga Fabian Delf bilan to‘qnashib ketgan Xarri Keyn, keyinroq Dele Alli jarohat olib, maydonni tark etishdi. Shunday bo‘lsa-da, Pochettino shogirdlari o‘yinni g‘alabagacha olib borishdi. 78-daqiqada jarima maydonchasida oxirigacha kurashgan Son Xyon Min himoyachilarni aldab, chiroyli gol urdi va jamoasiga g‘alaba keltirdi.

YeChL. Chorak final, birinchi o‘yinlar

LIVeRPUL – PORTU 2:0

Gollar: Keyta (5), Firmino (26).
Liverpul: Alisson, van Deyk, Lovren, Aleksander-Arnold, Henderson, Milner, Keyta, Fabino, Mane (Origi, 73), Saloh, Firmino (Starrij, 82).
Portu: Kasilyas, Felipe, Telles, Maksi Pereyra (Fernando, 77), Eder Militao, Oliver Torres (Brunu Koshta, 73), Danilu Pereyra, Marega, Otavio, Korona, Soares (Braimi, 62).
Ogohlantirishlar: Soaresh (17), Felipe (61).

TOTTeNHEM – MANCheSTeR SITI 1:0

Gol: Son Xyon Min (78).
Tottenhem: Loris, Alderveyreld, Rouz, Tripper, Vertongen, Eriksen, Uinks (Vanyama, 81), Alli (Lorente, 87), Sissoko, Keyn (Lukas Moura, 58), Son Xyon Min.
Manchester Siti: Ederson, Laport, Otamendi, Uoker, Delf, Silva (de Bryuyne, 89), Fernandino, Marez (Sane, 89), Gyundogan, Sterling, Aguero (Gabriel Jyezus, 71).
Ogohlantirishlar: Rouz (12), Laport (28), Marez (59).