Martinesda qoʻrqinchli jarohat, Holandda dubl. Kun oʻyinlari
|13:143 85012 min
«Chelsi» safarda muhim gʻalabaga erishdi, ammo jiddiy yoʻqotishga uchradi; «Liverpul» raqibi ikki qizil olgan oʻyinda kambekka erishdi; «Siti» mavsum startida qatorasiga 7 oʻyindan iborat gʻalabali seriya qayd etmoqda, Husanov ikkinchi boʻlimda jarohat olgan futbolchi oʻrniga tushirildi. Shanba kuni Yevropa chempionatlarida roʻy bergan asosiy voqealar, oʻyinlardagi gollar va turnir jadvallaridagi vaziyat.
Angliya: «Chelsi»da quruq oʻyin, Mareskada rekord, «Liverpul»da kambek
6 turdan keyin beshinchi oʻringa chiqib olgan va mavsumni magʻlubiyatsiz oʻtkazayotgan «Everton» dastlabki 45 daqiqalikda turnir jadvalida oʻzidan quyida joylashgan «Chelsi»ni oʻziga mos boʻlgan, yakkakurashlarga tayangan futbol oʻynashga majbur qila oldi. Oʻyinda tez-tez toʻqnashuvlar va toʻxtalishlar yuzaga keldi, faqat boʻlim oxirlarida Pikfordga ish topildi. Dastlab Kaysedoning zarbasidan keyin toʻp darvoza toʻsiniga bordi, biroz oʻtib Angliya milliy jamoasi darvozaboni Pedru Netuning zarbasidan keyin toʻsin ostidan kirib ketayotgan toʻpni qaytarib qoldi.
Ikkinchi boʻlim esa Habi Alonso jamoasining tezkor goli bilan boshlandi. Kuchli bosim uyushtirgan londonliklar toʻpni olib qoʻyib, tezkor qarshi hujumda oʻz maqsadiga erishdi. Rodjers chap qanotdan oldinga tashlangan himoyachi Hatoni toʻp bilan taʼminladi, u esa jarima maydoniga kirib borib, markazda boʻsh turgan Netuga golli pas berdi. Koʻp oʻtmay portugaliyalik vinger yana bir qulay vaziyatdan foydalana olmadi.
Oʻyinning 65-daqiqasida esa xavotirli epizod roʻy berdi. «Everton» londonliklar darvozasi tomon jarima zarbasi ijro etish huquqiga ega boʻldi: Kirnan Dyusberi-Holl toʻpni darvozabon maydonchasi hududiga oshirdi, u yerda esa mehmonlar darvozaboni Emiliano Martines va mezbonlar himoyachisi Jarred Brantueyt toʻqnashib ketdi. Ikki futbolchi bosh bilan toʻqnashgach, gazonga quladi.
«Everton» futbolchisi darhol oʻrnidan turdi, argentinalik darvozabonning jarohati esa jiddiyroq boʻlib chiqdi va unga 10 daqiqa davomida tibbiy yordam koʻrsatildi. Bu vaqt davomida oʻyin toʻxtatib turildi, yakunda futbolchi zambilda maydondan olib chiqildi va shifoxonaga olib ketildi. U endi ikki oygacha jamoasiga yordam bera olmasligi aytilmoqda.
Mavzuga oid
«Chelsi» oʻyinni 21 yoshli darvozabon Mayk Penders bilan davom ettirdi, u qolgan vaqt mobaynida darvoza daxlsizligini saqlab qoldi, Netu esa dublni rasmiylashtirdi. Eʼtiborli jihati, Bu «Chelsi»ning 17-yanvardan buyon ilk bor quruq oʻyin oʻtkazishi boʻldi, jamoa bungacha APLda qatorasiga 22 oʻyinda darvozasi daxlsizligini saqlay olmayotgandi. Muhimi bu gʻalabadan keyin «Chelsi» kuchli toʻrtlikka kirib oldi.
«Liverpul» kadrlar muammosidan qiynalishda davom etmoqda. Xalqaro tanaffusda jarohat olgan Isak va Gakpo safga qaytgan, ammo ikkinchisi hali maydonga tushishga tayyor emas. Soboslai ham shanba kungi oʻyinda tushirildi, ammo birinchi boʻlimda yana jarohat oldi Ekitike, Bredli va Gravenberhning yoniga borib qoʻshildi. Uning oʻrniga tushirilgan 19 yoshli Nioniga esa tajriba yetishmasligi koʻrinib qoldi.
Qolaversa, qizillar jamoasida hujumlarni yakunlashda aniqlik yetishmayapti. Hafta oʻrtasida YECHL oʻyinida het-trik qayd etgan Barkolya raqib xatosidan keyin toʻpni egallab, darvozabon bilan yakkama-yakka vaziyatga chiqib borgandi, ammo toʻpga aniq zarba bera olmadi. «Brentford» esa oʻz imkoniyatini qoʻldan chiqarmadi va boʻlim oxirida Lyuis-Potter Igor Tiagoning uzatmasini golga aylantirdi.
Ammo «asalarilar» tanaffusga yaxshi kayfiyatda chiqib keta olishmadi. Birinchi boʻlimga qoʻshib berilgan daqiqalar tugayotganida Yarmolyuk raqib himoyachisi Jakening yuziga bosh bilan zarba berib yuborgani maʼlum boʻldi va videotakrordan keyin tajovuzkor harakat uchun qizil kartochka koʻrsatildi. Amalda bu epizod oʻyin taqdirini hal qildi.
Tanaffusda Andoni Iraola navbatdagi jarohat tufayli Arauhoni ham almashtirishga majbur boʻldi, lekin uning shogirdlari ikkinchi boʻlimda gʻalabani oʻz tomoniga ogʻdira olishdi. Avvaliga Munios hisobni tenglashtirdi, keyin Isak gʻalaba golini urdi.
Dokuning Fodenga uzatmasi bilan hisobni ochgan «Manchester Siti» ikki daqiqa oʻtmay oʻz darvozasidan gol oʻtkazib yubordi. Geyi «Ipsvich»hujumchisi Maedani oʻtkazib yubordi, yaponiyalik futbolchi esa darvozabonga hech qanday imkon qoldirmadi. Lekin turnir jadvali peshqadamlari birinchi boʻlimning oʻzida yana hisobda oldinga chiqib olishdi – Kovachich oʻng qanotda faol harakat qilib, toʻpni Holandning boshiga yetkazib berdi.
Ikkinchi boʻlimda esa Erling yubiley golni urib, amalda oʻyin taqdirini hal qildi: u APLda penaltisiz urgan gollari sonini 100 taga yetkazdi va bu natija uchun eng kam oʻyin sarflagan (139) futbolchiga aylandi. Norvegiyalik hujumchi oʻyinni het-trik bilan yakunlashi mumkin edi, ammo bu safar VAR vaziyatga aralashib, unga pas bergan Enso Fernandesh ofsaydda boʻlganini qayd etdi. Oʻyin oxirida esa mezbonlar uchun xavotirli vaziyat yuzaga keldi va videotakrordan keyin Geyi jarima maydoni ichkarisida Fatavuga nisbatan fol ishlatgani maʼlum boʻldi. Belgilangan penaltini esa Flemming aniq ijro etib, hisobni qisqartirdi.
Hakam oʻyinga naq 12 daqiqa qoʻshib berdi, ammo qolgan vaqt mobaynida Abduqodir Husanov (u ikkinchi boʻlim davomida jarohat olgan Nunesh oʻrniga oʻng qanot himoyasiga tushirildi) va himoya chizigʻi boshqa gol oʻtkazmadi. Holandning gollari yakunda Enso Mareskaning rekordini taʼminladi: italiyalik mutaxassis APLda tayinlovdan keyingi dastlabki yetti oʻyinida gʻalaba qozongan ilk murabbiyga aylandi.
Ispaniya: Baena ajoyib formada
«Espanyol» – «Atletiko» 0:1 Gol: Baena, 89 (0:1) «Espanyol»: Fortunio, Ridel, Kabrera, Drkushich (Nunes, 64), Inoxo, Al Hiloliy, Eksposito (Gabriel Maskardo, 73), Pol Losano, Saragosa (Puado, 82), Ernandes (Kalatrava, 73), R. Fernandes (M. Fernandes, 82) «Atletiko»: Oblak, Gansko, Romero (Mendosa, 67), Martines (Grimaldo, 46), Pubil, Barrios (Liorente, 55), Yulmand, Lukman (Alvares, 46), Simeone, Li Kan In (Baena, 62), Devid Ogohlantirishlar: Inoho, 81. Nunes, 87 – Yulmand, 22. Li Kan In, 43. Romero, 66. Baena, 68. Mendosa, 79
«Atletiko» «Espanyol»ni soʻnggi daqiqalarda taslim etib, tur yakuniga koʻra ikkinchi oʻrinda qoladigan boʻldi. Ikkinchi boʻlimda zaxiradan tushirilgan Alvares dribling ishlatib chap qanotdan markazga koʻchdi va jarima maydoniga yaqinlashib kelgan Aleks Baenani toʻp bilan taʼminladi. Ispaniya milliy jamoasi yarimhimoyachisi mavsum startida madridliklar jamoasining eng sermahsul futbolchisi boʻlmoqda: u allaqachon butun oʻtgan mavsumdagi golli harakatlaridan koʻproq gol va pas berishga ulgardi (5+2). Baenaning Diyego Simeone talablariga moslashish davri ortda qolgani tayin. Aleks yana ikkita aniq zarba berish orqali «Vilyarreal»da oʻynagan davridagi oʻz golli rekordini takrorlashi mumkin.
Italiya: «Napoli» choʻkmoqda, «Inter» – peshqadam
«Venetsiya» – «Napoli» 1:0 Gol: Adams, 49 (1:0) Aniq ijro etilmagan penalti: De Bryuyne, 68’ «Venetsiya»: Stankovich, Moreno (Shingtenn, 72), Juan Jezus, Halhal, Zom (Fanne, 82), Bashich (Matssokki, 71), Peres, Haps (Helgason, 71), Ayno, Yeboa (A. Rrahmani, 63), Adams «Napoli»: Meret, A. Rrahmani, Badiashile, Bekema (Politano, 63), Gilmor (De Bryuyne, 54), Lobotka, Spinatssola (Olivera, 82), Di Lorenso, Maktominey, Jovane (Santos, 55), Lukka (Hoylund, 54) Ogohlantirishlar: Bashich, 61. Peres, 80
Hafta oʻrtasida YeChLda «Vilyarreal»ga yutqazgan (1:3) «Napoli»ning muvaffaqiyatsizligi hafta oxirida Venetsiyada ham davom etdi. Shanba kungi oʻyin taqdirini De Bryuyne penaltidan foydalana olmasligi va himoyadagi birgina xato hal qildi. Mezbonlarning nigeriyalik hujumchisi Adamsning goli oʻyinda yagonaligini saqlab qoldi va bu neapolitanliklarning bu mavsumdagi beshinchi magʻlubiyatiga (barcha turnirlar doirasida) aylandi. Jamoada bu kabi muvaffaqiyatsiz start oxirgi bor 25 yil oldin, Luidji De Kanio boshchiligida V seriyada qayd etilgandi.
Italiyaning YeChLda muvaffaqiyatsiz qatnashayotgan yana bir vakili «Inter» uchu ham «Bolonya»ga qarshi oʻyin yomon boshlangandi. Mezbonlar yarimhimoyachisi Pobega 10-daqiqada markazdan yorib kirib, hisobni ochdi. Ammo amaldagi chempionlar tanaffus arafasida Tyuramning goli bilan muvozanatni tikladi.
Ikkinchi boʻlimda esa milanliklar vaziyatni oʻz tomoniga ogʻdirishdi. Avvaliga Zelinski Karlos Augustuni qulay vaziyatga chiqardi, keyin esa braziliyalik futbolchining oʻzi shunday holatda Bonniga assistentlik qildi. «Intera» yetti turdan keyin 19 ochko jamgʻargan holda turnir jadvalida peshqadamlik qilishda davom etmoqda.
«Roma» ham hafta oʻrtasida «Real» bilan oʻyinda ogʻir ruhiy zarbaga uchragandi. Qolaversa, tarkibda jiddiy yoʻqotishlar yuzaga kelgan (darvozabon Svilar va jamoa yetakchisi Dibalada jarohat, asosiy hujumchi Molenda diskvalifikatsiya). Natijada rimlik muxlislarning sevimlisi hisoblangan Daniele De Rossi boshqaruvidagi «Jenoa»ga qarshi oʻyinning birinchi boʻlimida hisob ochilmay qoldi. Ammo ikkinchi boʻlimda Kastro «boʻrilar» safida urgan ilk gol oʻyinni oʻzgartirib yubordi.
Argentinalik futbolchi burchak zarbasi vaqtida raqib futbolchilari qurshovida turgan holatda shedevr zarba ijro etdi va toʻpni darvozabon ustidan oshirib tashladi. Ikkinchi boʻlim davomida 19 yoshli himoyachi Lulli oʻyin taqdirini hal qiluvchi golni urdi. Deyarli ikkinchi tarkibi bilan oʻynagan «Roma» gʻalaba qozondi va «Inter» bilan ikki ochkolik farqni saqlab qoldi. «Latsio» bugun «Yuventus»ni magʻlub eta olmasa, «boʻrilar» turnir jadvalidagi ikkinchi oʻrinni ham saqlab qoladi.
