Kapello: «Avvallari «Real» bilan o‘yinda raqib himoyachilari qo‘rqib turishardi»

Taniqli italiyalik murabbiy Fabio Kapello «Real»dagi hozirgi vaziyatga munosabat bildirdi.

«Har doim aytganman, «Real» va «Barselona» jamoalari bilan o‘yinlar 1:0 hisobi bilan boshlanadi. Ularni mag‘lub etish uchun kamida ikkita gol urishing kerak. Bu mavsumda «Real» shu jihatdan oqsayapti, shuning uchun o‘yinlarni boshqalar kabi 0:0 hisobida boshlayapti. Shuncha muammoga duch kelayotganining sababi shunda. Krishtianu Ronaldu «Yuventus»da qanday o‘ynayotganini ko‘rib turibmiz. Avvallari «Real»ga qarshi o‘ynaydigan himoyachilarda qo‘rquv bo‘lardi, hozir bunday emas», – degan Kapelloning so‘zlarini keltirmoqda Marca.

Eslatib o‘tamiz, ushbu mutaxassis «qirollik klubi»ga 1996-1997 hamda 2006-2007 yillarda bosh murabbiy bo‘lgan har ikki safar ham Ispaniya chempionligiga erishgan.