Oliy o‘quv yurtidan keyingi ta'lim to‘g‘risidagi nizomga o‘zgartirishlar kiritiladi

doktorantura - O‘zbekiston Respublikasi Davlat budjeti mablag‘lari hisobidan yoki to‘lov kontrakt asosida moliyalashtiriladigan, ishlab chiqarishdan ajralgan holda mutaxassislikni chuqur o‘rganish va doktorlik dissertatsiyasini tayyorlash hamda himoya qilish maqsadida ular tomonidan ilmiy izlanishlar olib borish bo‘yicha fan doktori (DSc) ilmiy darajasi izlanuvchilari uchun OTM va ITMlarida oliy malakali ilmiy va ilmiy-pedagog kadrlar ixtisosliklar bo‘yicha tashkil etiladigan oliy o‘quv yurtidan keyingi ta'lim shakli;»;

8-bandda (Fan doktori bir vaqtning o‘zida uchtadan ko‘p bo‘lmagan izlanuvchilarga ilmiy rahbar va maslahatchi bo‘lishi mumkin):

birinchi, ikkinchi va uchinchi xatboshlari quyidagi tahrirda bayon etiladi:

«8. Fan doktorining ilmiy rahbarlik va ilmiy maslahatchilik faoliyati samaradorligi tahlili asosida Kollegial organ tavsiyasiga ko‘ra bir vaqtning o‘zida beshtadan ko‘p bo‘lmagan izlanuvchilarga ilmiy rahbar va maslahatchi bo‘lishi mumkin.

Ilmiy unvoni bo‘lgan fan nomzodi yoki falsafa doktori (PhD) ilmiy rahbarlik yoki ilmiy maslahatchi faoliyati samaradorligi tahlili asosida Kollegial organ tavsiyasiga ko‘ra bir vaqtning o‘zida faqat ikki nafar tayanch doktorantga va mustaqil izlanuvchiga ilmiy rahbar etib biriktirilishi mumkin.»;

14-bandda (Vazirliklar, idoralar va tashkilotlar bo‘yicha qabul kvotasi O‘zbekiston Respublikasi Innovatsion rivojlanish vazirligi tomonidan O‘zbekiston Respublikasi Moliya vazirligi va Iqtisodiyot vazirligi bilan kelishgan holda tasdiqlanadi va har yili 1 iyundan kechikmasdan tegishli ravishda tasarrufida OTM yoki ITM bo‘lgan vazirliklar, idoralar va tashkilotlarga yuboriladi):

ikkinchi xatboshi quyidagi tahrir bilan to‘ldiriladi:

«Qabul kvotasi magistratura  qabul kvotasining odatda kamida 30 foizi miqdorida belgilanadi.»;

uchinchi xatboshi quyidagi tahrirda bayon etiladi:

«Vazirliklar, idoralar va tashkilotlar idoraviy mansub OTM va ITM bo‘yicha attestatsiyadan o‘tgan ixtisosliklar bo‘yicha qabul kvotasini taqsimlaydi.»;

oltinchi va yettinchi xatboshlari quyidagi tahrir bilan to‘ldiriladi:

«OTM va ITM budjet mablag‘lari hisobidan ajratilgan kvotalardan tashqari ehtiyoj va talablar mavjud bo‘lgan ixtisosliklariga to‘lov-kontrakt asosida qo‘shimcha qabulni amalga oshirishi mumkin. Bunda to‘lov-kontrakt miqdori OTM va ITM tomonidan mustaqil belgilanadi.»;

24-bandda (Tayanch doktoranturaga va doktoranturaga kiruvchi talabgorlarning kirish imtihonlari, suhbat natijalaridan va ajratilgan qabul kvotasidan kelib chiqib, qabul komissiyasi va (yoki) Kollegial organ tomonidan 30 noyabrgacha bo‘lgan muddatda qabul qilinganlardan tanlanadi):

ikkinchi xatboshi quyidagi tahrir bilan to‘ldiriladi:

«O‘zbekiston Respublikasi Prezidentining Davlat stipendiyalari sohiblari kirish imtihonlarisiz qabul qilinadi.»;

24-bandning «a» bandi (tayanch doktoranturaga) ikkinchi xatboshi chiqarib tashlanadi;

35-bandda (OTMda ilmiy rahbarlar va konsultantlar tomonidan doktorant bilan olib borilgan ish umumiy o‘quv yuklamasiga kiritiladi va qonunchilikda belgilangan tartibda har bir doktorant uchun bir yilda 100 soat hajmida har oyda to‘lanadi):

to‘rtinchi xatboshi quyidagi tahrirda bayon etiladi:

«Ilmiy rahbarlari va konsultantlarning xorijiy fuqarolar yoki fuqaroligi bo‘lmagan, shuningdek, to‘lov-kontrakt asosida qabul qilingan doktorantlarning mehnatiga haq to‘lash o‘qitish uchun kelib tushadigan mablag‘lar hisobidan amalga oshiriladi.».

Vazirlar Mahkamasining «O‘zbekiston iqtidorli yoshlarini taqdirlash va moddiy rag‘batlantirish to‘g‘risida» 2008 yil 13 oktyabrdagi 226-son qaroriga qaroriga 1-ilova (Tayanch doktorantlar uchun O‘zbekiston Respublikasi Prezidentining davlat stipendiyalari va ularni tayinlash tartibi to‘g‘risida):

10-bandda (O‘zbekiston Respublikasi Oliy va o‘rta maxsus ta'lim vazirligining qarori davlat oliy ta'lim va ilmiy-tadqiqot muassasalari uchun tayanch doktorantlarga O‘zbekiston Respublikasi Prezidentining davlat stipendiyalarini tayinlash va to‘lash haqidagi buyruqlarni rasmiylashtirishda asos bo‘ladi):

ikkinchi xatboshi quyidagi tahrirda bayon etiladi:

«Stipendiyalar har yili tayanch doktorantning tayanch doktoranturaning oxirgi kursidagi o‘qish davri davomida belgilangan stipendiyaning ikki barobari miqdorida tayinlanadi.»;

2-ilova (Talabalar uchun O‘zbekiston Respublikasi Prezidentining davlat stipendiyalari va ularni tayinlash tartibi to‘g‘risida):

12-band (O‘zbekiston Respublikasi Prezidentining davlat stipendiyalari sohiblari bo‘lgan talabalar davlat oliy ta'lim muassasasini bitirgach, ikki yil davomida magistraturaga grant asosida (bakalavr-stipendiatlar) va tayanch doktoranturaga (magistr-stipendiatlar) kirish imtihonlari natijalariga ko‘ra qabul qilinadi) quyidagi tahrirda bayon etiladi:

«12. O‘zbekiston Respublikasi Prezidentining davlat stipendiyalari sohiblari bo‘lgan bakalavriat talabalari oliy ta'lim muassasasini bitirgach, ikki yil davomida magistraturaga davlat grant asosida, magistratura talabalari tayanch doktoranturaga kirish imtihonlarisiz davlat granti hisobidan qabul qilinadi.».