Nur-Sulton va Olmaotadagi mitinglarda 100ga yaqin kishi qo‘lga olindi

Nur-Sulton va Olmaotadagi ruxsat berilmagan mitinglarda yuzga yaqin kishi qo‘lga olindi, deb ma'lum qildi Qozog‘iston IIV rahbarining birinchi o‘rinbosari Marat Kojayev.

Uning so‘zlariga ko‘ra, qo‘lga olinganlar orasida "jamoatchilikka qarshi mazkur tadbirlarni o‘tkazishni targ‘ib qilgan va faol qatnashganlar bor".

Kojayev Nursulton va Olmaotadagi mitinglar "Qozog‘istonda taqiqlangan ekstremistik tashkilot chaqirig‘i bilan" tashkil etilganini aytdi.

Yakshanba kuni Qozog‘istonda prezident saylovi bo‘lib o‘tmoqda. Qozog‘iston prezidenti lavozimi uchun 7 nomzod da'vogarlik qilmoqda. Saylovda mamlakatning birinchi prezidenti Nursulton Nazarboyev ilk bor nomzod sifatida ishtirok etmayapti.